كلمات اغاني فيروز...

بكتب إسمك يا حبيبي
بكتب اسمك يا حبيبي عالحور العتيق
تكتب اسمي يا حبيبي عرمل الطريق
بكرا بتشتي الدنيي عالقصص المجرحه
بيبقى اسمك يا حبيبي و اسمي بينمحى
بحكي عنك يا حبيبي لأهالي الحي
بتحكي عني يا حبيبي لنبعة المي
و لما بيدور السهر تحت قناديل المسا
بيحكوا عنا يا حبيبي و أنا بانتسى
و هديتني وردة فرجيتا لصحابي
خبيتا بكتابي زرعتا عالمخده
هديتك مزهرية لا كنت تداريها
و لا تعتني فيها تاضاعت الهدية
و بتقلي بتحبني ما بتعرف قديش
ما زالك بتحبني ليش دخلك ليش

يا ريت
يا ريت أنت و أنا بالبيت
شى بيت أبعد بيت
ممحي ورا حدود العتم و الريح
و التلج نازل بالدنيي تجريح
يضيع طريقك ما تعود تفل
و تضل حدي تضل
و يزهر و يدبل ألف موسم فل
و تضل حدي تضل حدي تضل
و ما يضل بالقنديل نقطة زيت

بايام البرد ايام الشتي
و الرصيف بحيرة و الشارع غريب
تيجي هاك البنت من بيتا العتيق
و يقلا نطريني و تنطر عالطريق
و يروح و ينساها و تدبل يالشتي

حبيتك يالصيف حبيتك بالشتي
نطرتك بالصيف نطرتك بالشي
و عيونك الصيف و عيوني الشتي
ملقانا يا حبيبي خلف الصيف و خلف الشتي

مرقت الغريبة عطيتني رسالة كتبها حبيبي بالدمع الحزين
فتحت الرسالة حروفا ضايعين و مرقت ايام و غربتنا سنين
و حروف الرسالة محيها الشتي

حبيتك يالصيف حبيتك بالشتي
نطرتك بالصيف نطرتك بالشي
و عيونك الصيف و عيوني الشتي
ملقانا يا حبيبي خلف الصيف و خلف الشتي

خلف الصيف و خلف الشتي

» كلمات للحزن....